Hughes ka shpresa për Shaqirin

Trajneri i Stoke Cityt, Mark Hughes, shpreson që ta ketë në dispozicion mesfushorin kosovar Xherdan Shaqiri për ndeshjen kundër Leicester Cityt.Ndeshja Leicester – Stoke City zhvillohet të shtunën në kuadër të xhiros së 23-të të Ligws Premier të Anglisë.

Shaqiri 24-vjeçar për shkak të një lëndimi mungoi në ndeshjen e fundjavës së shkuar kundër Arsenalit (0:0).

“Shpresoj që Xherdan Shaqiri të kthehet me kohë dhe të jetë i gatshëm për ndeshjen e së shtunës kundër Leicesterit”, ka thënë Hughes për Stokesencinel.co.uk.

Mesfushori nga Gjilani këtë edicion me fanellën e Stoke Cityt ka shënuar dy gola dhe ka kontribuar me tri asistime në 16 ndeshje.

Reprezentuesi i Zvicrës vlerësohet lojtar i rëndësishëm i ekipit anglez. Stoke Cityt iu bashku në verën e vitit të kaluar nga Interi. Me Stoke Cityn ka kontratë deri në vitin 2020.