Hoxhaj : Shqiptarët në rajon, i mbrojmë ne

Në Statutin e ri të PDK’së e kemi vendosur mbrojtjen e interesave të shqiptarëve që jetojnë në rajon. Të njëjtin paragraf do ta fusim edhe në Kushtetutën e re të Kosovës.

Por, kjo nuk nënkupton se kemi ambicie territoriale ndaj Serbisë, Maqedonisë dhe Malit të Zi. Njëri prej udhëheqësve të PDK’së dhe Ministër aktual i Punëve të Jashtëm, Enver Hoxhaj, flet për Express.

Express: Çka keni ndryshuar në Statutin e PDK’së në raport me të drejtat e shqiptarëve që jetojnë jashtë Republikës së Kosovës. Statuti i vjetër nuk e ka trajtuar këtë çështje?

E. Hoxhaj: Mendoj se Statuti i PDK’së, që është miratuar në Konventën e fundit, është ndër statutet më moderne që ka një parti politike në rajon. Ajo e cila e dallon këtë statut ka të bëjë me vlerat, të cilat synon që t’i promovojë PDK’ja. Në kuadër të këtyre vlerave janë vlerat dhe orientimi i saj i qartë si parti e djathtë. Po, ka një paragraf, i cili thotë që PDK e ka për mision të saj forcimin dhe avancimin e pozitës institucionale të shqiptarëve në rajon.(express)

Shpërndaje.
© RAJONIPRESS