Hoxhaj: Kufijtë në Ballkan janë të paprekshëm

Gazeta gjermane “Frankfurter Allgemeine Zeitung” në një artikull të saj për Kosovën ka shkruar për situatën politike dhe ekonomike në Kosovë.

Duke iu referuar situatës së sigurisë në tri komunat e veriut të Kosovës, FAZ shkruan se derisa në bashkëjetesa në pjesën më të madhe të Kosovës funksionin, ngec edhe më tutje në veri.

Serbia mbështet strukturat paralele shtetërore të policisë, derisa barrikadat tregojnë mbetjet e luftës nga viti 1999. Si rrjedhojë Beogradi edhe më tutje nuk e njeh pavarësinë e Kosovës, e shpallur në vitin 2008.

Duke folur për veriun, ministri i Punëve të Jashtme i Kosovës, Enver Hoxhaj ka thënë për FAZ se kufijtë në Ballkan tashmë janë vendosur dhe ata janë të paprekshëm.

“Kufijtë në Ballkan janë vendosur”, ka thënë Hoxhaj, transmeton “Express”.

Gazeta gjermane shkruan se si kosovarët, sidomos të rinjtë janë lënë të vetmuar nga Evropa. Të gjitha shtetet e Ballkanit, përveç Kosovës gëzon lëvizjen e lirë në zonën Shengen.

Me këtë rast, ministri Hoxhaj i ka thënë gazetës gjermane se Kosova tashmë ka bërë përparime të dukshme dhe është në pritje të një udhërrëfyesi.

“Kosova gjithmonë ka qenë një shtet evropian. Prandaj Evropa është caku ynë kryesor”, ka theksuar Hoxhaj. /express/

Shpërndaje.
© RAJONIPRESS