Hoti: Qindra miliona euro i mungojnë ekonomisë së Kosovës pasi Qeveria Kurti s’realizoi investimet e planifikuara
RajoniPress
13:45, 12 Nëntor, 2024
| 7 muaj më parë
Ish-kryeministri i Kosovës, Avdullah Hoti, ka thënë se ekonomisë së Kosovës i mungojnë qindra miliona euro për shkak të mosrealizimit të investimeve të planifikuara nga Qeveria Kurti.
Hoti në një reagim në profilin e tij ka thënë se rrugët rajonale që janë nisur nga qeveritë e kaluara, s’janë përfunduar nga Qeveria Kurti.
Gjithashtu deputeti i LDK-së thotë se projektet e reja të premtuara as që kanë nisur, si Aeroporti i Gjakovës, rruga për Tetovë, rruga për Plavë dhe hekurudha për Durrës.
“Realizimi i investimeve kapitale të kësaj qeverie është përgjysmë më i ulët se në qeveritë paraprake. Ja historiku i realizimit të investimeve kapitale në disa qeveri:
– Qeveria Mustafa (2015-2017) 19%
– Qeveria Haradinaj (2018-2019) 18%
– Pandemia covid-19 (2020) 9.7%
– Qeveria Kurti (2021-2024) 10%”, ka shkruar Hoti.
