Hoti: Çështja e gjenocidit serb të zgjidhet para se të normalizohen marrëdhëniet me Serbinë

Shefi i grupit parlamentar të LDK-së, Avdullah Hoti ka kërkuar që çështja e gjenocidit serb në Kosovë të zgjidhet para se të normalizohen marrëdhëniet me shtetin serb. Ai ka thënë se si LDK mbështetin çdo nismë për dënimin e regjimit serb, raporton “Zëri.info”.

“Kjo çështje duhet të zgjidhet para se të normalizohen marrëdhëniet me Serbinë. LDK mbështet çdo nismë për dënimin e regjimit serb. Ne sot nuk duhet të dënojmë krimet e regjimit serb, por duhet të vëmë në lëvizje mekanizmat e shtetit tonë për të dënuar këto krime. Fakti që sot para 20 vitesh flasim për këtë temë, tregon se këto institucione nuk i kanë kryer detyrat e veta”, tha ai./ZERI