Homazhe për dëshmorin Mejdi Korrani në përvjetorin e rënies së tij heroike

Viti – Në përvjetorin e rënies heroike të dëshmorit të kombit Mejdi Korrani, janë zhvilluar homazhe përkujtimore në Varrezat e Dëshmorëve në Viti.

Në këtë aktivitet morën pjesë përfaqësues të institucioneve komunale të Vitisë, të prirë nga kryetari Sokol Haliti, së bashku me organizatat e dala nga lufta e UÇK-së, familjarët e dëshmorëve, përfaqësues të subjekteve politike, si dhe qytetarë të shumtë nga Pozherani dhe mbarë komuna.

Të pranishmit vendosën kurora me lule dhe nderuan me përulësi veprën dhe sakrificën e dëshmorit, duke rikujtuar kontributin e tij në rrugën për liri dhe pavarësi.

Ceremonia u zhvillua në një atmosferë të qetë dhe dinjitoze, duke reflektuar respektin e vazhdueshëm ndaj figurave të rënies për atdheun./rajonipress/