Homazhe me rastin e përvjetorit të rënies së dëshmorit Nijazi Azemi

Viti – Në përvjetorin e rënies së dëshmorit të kombit Nijazi Azemi-komandant Mjekra, Institucionet komunale të Vitisë, përfaqësues të Organizatës së Veteranëve të UÇK-së, përfaqësues nga Lugine e Preshevës dhe veteran të luftës së UÇPMB-së, policisë së Kosovës, subjekteve politike etj, kanë bërë homazhe dhe kanë vënë kurora lulesh tek varri i dëshmorit.

Për një javë rresht, në komunën e Vitisë janë zhvilluar aktivitete të larmishme kulturore e sportive në kuadër të Manifestimit “Flakadani i Karadakut 2018”, i cili manifestim do të përmbyllet sonte me natën finale të Festivalit gjithëkombëtar të këngës dhe valles shqipe./rajonipress/