Hitzfeld e ka një këshillë për Shaqirin

Ish-përzgjedhësi i Zvicrës, Ottmar Hitzfeld, njëherazi njeriu që e ngriti në nivele të larta Xherdan Shaqirin, ka folur për të ardhmen e yllit kosovar të Interit.
Ai e ka këshilluar Xherdanin, për të ardhmen e tij, derisa i vjen keq që nuk mundi të zë vend në Inter.

“Më vjen shumë keq që Xherdani nuk u bë lojtar i rregullt me Interin dhe që trajneri nuk vendosi për të. Ndoshta trajneri ka idetë e tija, ndoshta Xherdani mund të mos ia mbush syrin atij. Një mundësi për të, si Schalke apo Dortmundi janë shumë të mira për të. Ato janë klube të mëdha, ku futbolli është kryesori. Anasjelltas, Xherdani mund të përmirësohej në Bundesligë, ai e ka treguar këtë edhe me Bayernin”, deklaroi Hitzfeld për ‘Blick’, përcjell GazetaOlle.com.

Përndryshe futbollisti shqiptar ditë më parë ]është raportuar se është në bisedime klubin gjerman të Schalke 04, ndërsa për shërbimet e tij janë interesuar edhe Wolfsburg.