Historike – Si aplikoi ish-kryetari i FHK-së Mexhit Devaja në Kongresin Europian të Hendbollit me 7-8 maj 2004?

Ish-kryetari i Federatës së hendbollit të Kosovës, Mexhit Devaja i cili një jetë të tërë ia kushtoi edukimit të shumë brezave të nxënësve, por me lojën e hendbollit u dashurua që nga viti 1981, ku ishte betuar dhe nuk u ndal në asnjë moment gjerë me 18 dhjetor 2004 kur e pranoi FHK-së në Kongresin e jashtëzakonshëm të EHF-së në Budapest të Hungarisë. Sot, pas plot 18 vitesh, pas shumë sakrificave të punës 23 vjeçare për të mirën e hendbollit të Kosovës me 7-8 maj 2004 ish-kryetari i FHK-së, Mexhit Devaja arrinë të aplikon në Kongresin e 7-të të EHF i cili ishte mbajtur në Budapest të Hungarisë.

Mexhit Devaja me shumë emocione pas 18 vitesh tregon këtë moment te rëndësishëm për hendbollin e Kosovës dhe në përgjithësi për shtetin e Kosovës. “Para aplikimit kishim takime të pa numërta me shumë kryetar të Federatave hendbollistike anembanë Evropës, kishim mbështetje pa rezervë nga të gjitha Federatat Evropiane e një mbështetje të veçantë kishim nga njeriu i parë i hendbollit evropian, Stefan Holmkvist, ku ishim takuar shumë herë më herët me këtë kryetar, por takimin e fundit që patëm në Lubljanë në Kampionatin Evropian ai na sugjeroi të aplikojmë në Kongresin e 7 të jashtëzakonshëm në Budapest dhe këtë gjë e bëmë me shumë emocione. Kërkesa jonë u gjend në rend dite në këtë Kongres dhe u diskutua në mënyrë shumë pozitive nga shumë delegat të këtij Kongresi, ishte një përjetim i jashtëzakonshëm me plot emocione”, kujton sot pas plot 18 vitesh Devaja.

Ish kryetari i FHK Mexhit Devaja tregon me shumë përjetim se çka u vendosë në këtë kongres para plot 18 vitesh “Në këtë kongres i mbajtur me 7 dhe 8 maj2004 u pranua vetëm Skocia, ndërsa Kosova dhe Monaco u vendos që të shqyrtohet në dhjetor të vitit 2004, në këtë kongres vetë kryetari Stevan Holmkvist, deklaroi se Kosova do të pranohet në familjen Evropiane sa më shpejt që është e mundur, dhe askush nga të pranishmit në këtë Kongres nuk ishte kundër pranimit të FHK-së, duke arritur në një konkluzion që në kongresin e ardhshëm Kosova të pranohet ishte ky një sukses i jashtëzakonshëm i paraqitjes tone, dhe me 18 dhjetor 2004 në kongresin e 30-të të IHF-të, shënohet me shkronja të arta pranimi i FHK-së”.

Dashuria ndaj hendbollit dhe shtetit të Kosovës për tu pranuar në arenën ndërkombëtare për ish- kryetarin e FHK-së, Mexhit Devaja, i cili i tejkaloi të gjitha limitet na bën krenar që shteti i Kosovës në mesin e saj kishte një vizionar dhe një rrugëtues i pa ndalur për të mirën e hendbollit. Sot ish-kryetari Mexhit Devaja në moshë të shtyer jeton e vepron me familjen e tij, të rrethuar me nipër e mbesa me shëndet të plotë./rajonipress/