Historia e parkut të qytetit – parku i madh dhe parku i poshtëm ose i qendrës

Gjilan – Parku i epërm, apo parku i madh i qytetit, ndodhej në pjesën jugperëndimore të qytetit, në hapësirën skaj varrezave myslimane të qytetit dhe Kombinatit të Duhanit, dikur mjaft i vizituar.

I rregulluar me dushk e bagrem, rrugicën në mes për shëtitje. Tani në këtë hapësirë ndodhet parku i fëmijëve dhe shëtitorja në jug.

Ndërkaq parku i poshtëm apo i qendrës, ndodhet po aty ku ishte edhe më parë. Në bazë të një fotoje, mund të supozohet se nga pjesa e epërme e parkut fillonin vreshtat, që lidheshin me hapësirën e vreshtave rreth Kodrës së Dëshmorëve thuhet në librin e historianit Aliriza Selmani :”Gjilani qendër e Anamoravës nga themelimi deri në gjysmën e parë të shekullit XX”./rajonipress/