Hem Vesel , hem qen partie!(nga humori popullor)
RajoniPress
09:12, 27 Korrik, 2013
Nga Demir Krasniqi: Gjatë sistemit sllavo – titist ,
Privilegj ish , t’ jesh komunist !
S’ kishte shans për me u punësue –
Në Parti*1) , pa u anëtarësue !
Kështu njiherë , nji djalë malësie –
Ishte ba anëtarë Partie !
Ai, aq shumë ishte gëzu’ –
Ishte dehë , ishte ba dru !
Kish marrë rrugën , n’ shpi me shkue –
N’ kambë të veta mezi kish qëndrue !
Kish dalë nana, n’ derë po e pret –
Kuku bir, çka t’ paska gjet ?!
-E kam qitë , nanë, punën n’ tel –
Për atë , jam ba “vesell”*2) !
Jam gëzue shumë , me shokë kam pi –
M’ kanë pranue “çllan”*3) n’ Parti !
Bërtet nana – kuku për mue ,
Po çfarë zane t’ paska shitue ?!
T’ paska hipë dreqi mbi krye –
Hem Vesel , hem Qen Partie !
*****
*1) Parti = PKJ , Partia Komuniste e Jugosllavisë .
*2) Vesell = Serbisht : I gëzuar .
*3) Çllan = Serbisht : Anëtarë partie .
Nëna plakë , nuk e dinte asnjë fjalë serbisht dhe gjatë bisedës me djalë të vet , i dukej se djali i saj paska luajtur me mend dhe e paska ndërruar emrin në Vesel , si dhe qenka bërë Qen Partie !
Gjilan, më 23.07.2013.
