Haziri takon përfaqësuesit e revistës preshevare “Jehona”

Gjilan – Kryetari i Komunës së Gjilanit, Lutfi Haziri, ka pritur sot në një takim përfaqësuesit e revistës që botohet në Preshevë “Jehona”, Sevdail Hyseni e Zaim Haliti, të cilët uruan kryetarin Haziri për marrjen e detyrës së kryetarit.

Haziri ka falënderuar përfaqësuesit e kësaj reviste, që merret kryesisht me tema kulturore dhe politike, duke premtuar se do të jetë shembull i transparencës.“Ne kemi kulturë qeverisëse bashkëpunuese me mediat. Do të jemi shembull i transparencës dhe llogaridhënies. Mediat do t’i kenë dyert e hapura në Komunë dhe asnjëherë nuk do ta kenë problem qasjen në dokumente zyrtare”, ka thënë, ndër të tjera, Haziri./rajonipress/