Haziri takon Grupin e Përbashkët Punues për përfshirjen e qytetarëve në vendimmarrje

Gjilan – Kryetari i Komunës së Gjilanit, Lutfi Haziri priti sot në takim përfaqësuesit e projektit të AKT/ USAID së bashku me Grupin e Përbashkët Punues, për të prezantuar angazhimet dhe rezultatet e arritura të punës një vjeçare.

Grupi i Përbashkët Punues i themeluar enkas nga kryetari Haziri për përfshirjen më të gjerë të qytetarëve në vendimmarrje komunale, paraqiti objektivat e arritura duke bërë të mundshme që këtë vit të rris pjesëmarrjen në debate publike dhe dëgjime buxhetore në rreth 30 për qind krahasuar me vitin e kaluar dhe 20 për qind rritje të pjesëmarrjes më të madhe të rinisë, komuniteti jo shumicë etj.

Kryetari Haziri në këtë rast ofroi mbështetje edhe pas përfundimit të projektit të AKT/USAID/RTC, që ky Grup të vazhdoj më tej si urë lidhëse dhe mekanizëm efektiv për përfshirje më cilësore dhe demokratike të qytetarëve në kërkesat e tyre./rajonipress/