Gjilan – Në kuadër të shënimit të përvjetorit të rënies së martirëve në Zhegër, të cilët u vranë nga forcat paramilitare serbe, kryetari i Lidhjes Demokratike të Kosovës Dega në Gjilan Lutfi Haziri me bashkëpunëtoret e tij vizitoi disa familje në Zhegër dhe Gjilan.
Haziri fillimisht u ndal në familjen e Tahir Tahirit ish kryetarit të LDK-së në Zhegër, ku paramilitarët serb me të arritur në këtë lokalitet duke dashur ta likuidojnë kryetarin e kësaj nëndege ata vranë vellain e tij tani më martirin Shyqeri Tahirin, plagosen kushërirën e tij si dhe maltretuan e rrahën brutalisht edhe disa familjar të tjerë.
Kryetari Haziri u prit ngrohtësisht në këtë familje të cilët falënderuan atë për kujdesin dhe vizitën e tij.
Haziri ka vizituar edhe familjarët Rrustemi, Zenuni si dhe në familjen e Nehat Idrizit e Muhadin Idrizit të cilit humbën kryefamiljarët e tyre.
Haziri duke i rikujtuar martirët tha se forcat paramilitare serbe në këtë lokalitet e më gjerë nuk kursyen asgjë, sepse ata vranë djem, vajza, pleq e plaka, mirëpo fal gjakut të tyre ne sot jemi të lirë dhe gjaku i tyre u bë dritë për ne.
Nga Zhegra në kuadër të përvjetorit të madh Haziri me bashkëpunëtoret e tij ishte për vizitë edhe në Gjilan te familja e dëshmorit të rënë në demonstratat e vitit 1989 Agim Rashiti i cili u vra nga forcat e atëhershme Jugosllave.
Në secilën familje Haziri u mirëprit dhe u falënderua për kujdesin e tij për këto familje.
Ata vlerësuan lart këtë vizitë e cila sot ua bën më të lehtë dhembjen që kanë për më të dashurit e tyre të cilët sot nuk janë më në mesin e tyre familjar./rajonipress/
