Haziri: Qentë endacak mbretërojnë rrugët e sheshin e Gjilanit

Gjilan – E neveritshme dhe për më tepër e rrezikshme për jetën e qytetarëve prania kaq e madhe e qenve endacak kudo e në çdo pjesë të qytetit ka shkruar Sokol Haziri nga Grupi Qytetar për Vetëqeverisje në Gjilan.

Reagimi i plotë:
Fëmijët e te moshuarit janë potencialisht më të rrezikuarit nga ta, por në një mënyrë të gjithë, ngase ka mundësi të përhapjes së epidemive dhe në ketë mënyrë kanoset shëndeti publik.

Kuptojmë kornizën ligjore që përcakton mënyrat dhe format për menaxhimin e tyre dhe kompetencat e Komunës në këtë fushë.
Prandaj vlerësojmë se edhe autoritetet përgjegjëse, e kanë ditur me kohë kur premtonin në fushatë se posa të vijnë në pushtet kjo dukuri nuk do të ekzistoj në qytetin tonë.

Ikën gjysma e mandatit qeverisës dhe jo që nuk u rregullua kjo punë, por përkundrazi vetëm sa është bërë edhe më e pa durueshme.
Andaj qytetarët me të drejtë kërkojnë hapa konkret në këtë drejtim, e jo fraza të neveritshme për gjetjen e fajtorëve nga e kaluara, për secilin dështim të vetin./rajonipress/