Haziri premton zyre për Luginën

Gjilan – Dua të bëjë publik vendimin, që pas atij që ndërtesa e kryetarit të komunës t’i jepet Muzeut të qytetit, vendimi i dytë pas zgjedhjeve të 1 dhjetorit do të jetë hapja e një zyreje për Preshevë, Bujanoc dhe Medvegjë ka thënë Lutfi Haziri.

“Është Zyre e cila në kuadër të mandatit të Rezolutës së Kuvendit të Kosovës, është dashur të hapet moti, por qeveria e ka neglizhuar këtë problem, e ka neglizhuar deri në atë shkallë, sa që qytetarët edhe më tutje kanë mbetur peng i një zyreje, e cila, do t’i asistonte zgjidhjen e problemeve dhe të drejtave civile, kërkesave për mbështetje humanitare dhe problemeve që i kanë qytetarët që jetojnë në Gjilan dhe qytetarët që vijnë për nevoja të ndryshme në komunën tonë. Kjo është ajo që më së paku ne do ta vejmë në këtë fazë, por zyra do të udhëhiqet nga njerëzit që janë marrë me këtë problem” tha Haziri.

Haziri tha se përkundër që “Vatra” është shndërruar në lëvizje politike, ne mendojmë që ata janë përfaqësuesit kryesorë që nesër do të mund të udhëheqin për zgjidhjen e problemeve në bashkëpunim me komunën e Gjilanit./rajonipress/