Haziri nderon me mirënjohje avokatin e njohur Shemsedin Pira dhe disa figura të njohura

Gjilan – Kryetari i Komunës së Gjilanit, Lutfi Haziri, ka nderuar sot me mirënjohje personalitete të ndryshme të cilët kanë bërë shumë për Gjilanin dhe Republikën. Kreu i Gjilanit ka nderuar me mirënjohje Dr. Sc Shemsedin Pira, në nderim gatishmërisë dhe kurajës profesionale, e në veçanti për kontributin e tij në mbrojtjen e të drejtave dhe lirive të individëve në misionin fisnik të avokatisë.

Avokati Pira tha me kete rast se sot nga Kryetari i Komunës së Gjilanit, Lutfi Haziri më është ndarë mirënjohje e Karrierës në nderim të gatishmërisë dhe kurajës profesionale, e në veçanti për kontributin e tij në mbrojtjen e të drejtave dhe lirive të individëve në misionin fisnik të avokatisë. Për të arriturat e mija në lëminë profesionale familjes, shokëve, kolegëve të cilët asnjëherë nuk më kanë lënë vetëm, ndihma e tyre është e pakontestueshme dhe i’u jam mirënjohës dhe falënderues gjatë gjithë jetës. Kjo mirënjohje ka vlerë të veçantë për mua dhe më inspiron që të vazhdoj kontinuitetin e punës pandërprerë ka thwnw Pira.

Dëshmori Mehmetali Behluli është nderuar me mirënjohje post-mortum, në nderim të kontributit të dhënë për kauzën kombëtare dhe sakrificën deri në flijim për lirinë e vendit.

Hafëz Alush Kadriu është nderuar e mirënjohje në nderim të kontributit të vazhdueshëm dhënë në të mirë të vendit, e ne veçanti për shërbim shembull gjatë kohës së okupimit.

Fatmir Shurdhani është nderuar me mirënjohje në nderim të angazhimit dhe kontributit të dhënë në organizimin dhe mbështetjen e Personave me Aftësi të Kufizuara.

Pajazit Isufi është nderuar me mirënjohje post-mortum, në nderim të kontributit të vazhdueshëm dhënë në dobi të komunitetit.

Tefik Mustafa është nderuar me mirënjohje post-mortum, në nderim të kontributit të dhënë për Liri, Pavarësi dhe Demokraci të vendit.

Ndërkaq, kreu i Gjilanit, ka ndarë mirënjohje edhe për shoqatën Pogragja me seli në Zvicër, në nderim të kontributit të vazhdueshëm dhënë në dobi të komunitetit./rajonipress/