Haziri: LDK-së i konvenon koalicioni me Vetëvendosjen, PDK s’ka çka t’i japë Kosovës

Mocionin për largimin Qeverisë së kryeministrit Hashim Thaçi e sheh si opsion që duhet ta bënte partia e tij. Mendon se Lëvizja Vetëvendosje është mundësi e mirë për LDK-në për të bërë koalicion, ndërsa nuk i pëlqen pajtimi me Thaçin i shefit të tij të partisë, Isa Mustafa, për zgjedhje në gjysmën e parë të këtij viti, ka deklaruar kryetari i Gjilanit, Lutfi Haziri.

“Si njëri prej autoriteteve të LDK-së, nuk e përjashtoj asnjëherë mundësinë e mocionit”, tha ai për Klan Kosova, duke shtuar se PDK- më nuk ka çfarë t’i japë vendit.

Sipas tij, LDK-së i duhet një fitore bindëse, me një diferencë të thellë ndaj partisë së dytë, për të pasur timonin e qeverisjes. Por, këtë nuk e sheh me PDK-në për të cilën vlerëson se nuk ka çfarë t’i japë vendit.

Haziri thotë se LDK-së i konvenon koalicioni me Vetëvendosjen.

“Nëse i japim dimension të integrimit kombëtar, LDK-së i konvenon koalicioni me Vetëvendosjen për shkak të përputhjeve të planprogrameve”, ka thënë Haziri.

Ai gjithashtu ka bërë thirrje që partia e tij të bëhet e hapur ndaj kuadrove të reja, si dhe t’i respektojë njerëzit që i kanë shërbyer kësaj partie nëpër vite. /KK/Telegrafi/