Haziri kërkon nga drejtësia që ta zbardhë rastin e Agon Musliut

Gjilan – Kryetari i Komunës së Gjilanit, Lutfi Haziri, në konferencën për gazetarë, ka shprehur keqardhje për tragjedinë e djeshme, ku humbi jetën I riu gjilanas, Agon Musliu.

Në një konferencë për media të mbajtur të hënën, Haziri ka kërkuar nga organet e drejtësisë që ta zbardhin këtë rast deri në fund për t’i dhënë paqe familjes.

“Agoni është njohur si djalë i urtë e si student i shkëlqyeshëm dhe si familjar i jashtëzakonshëm. Kthimi në karantinë, ka qenë fatal. Kërkojmë nga organet e drejtësisë që ta zbardhin këtë rast deri në fund për t’i dhënë paqe familjes Musliu dhe qytetarëve të Gjilanit. Këtë paqe shpirtërore dhe njerëzore ia kemi për obligim familjes së tij dhe çdo njeriu që është tronditur”, ka thënë Haziri

Ai tha se do të vazhdojmë të qëndrojmë afër familjes, duke mos e lejuar që rasti të politizohet.

“Ne kërkojmë zbardhjen e rastit përmes instrumenteve ligjore”, ka thënë kryetari i Gjilanit, Lutfi Haziri.

Ndërkohë, gjatë ditës, kreu i Gjilanit ka qëndruar për ngushëllime në familjen Musliu, në fshatin Livoҫ të Epërm të Gjilanit./rajonipress/