Haziri: Kam pritur mbi 5 mijë gjilanas në zyre, vetëm gjatë vitit 2016

Gjilan – E marta vazhdon të mbetet Dita e Qytetarëve. Mbi 5 mijë gjilanas i kam pritur në zyre vetëm këtë vit, të cilët paraqesin kërkesa si personale, ashtu edhe ato të komunitetit. Këto të fundit kanë përparësi sepse zgjidhin problemet infrastrukturore, përfshirë rrugët, kanalizimin, ujësjellësin, trotuaret, parqet ka shkruar Lutfi Haziri.

Nga kërkesat e qytetarëve të cilët i kam pritur në takime, ka ardhur ideja për organizimin e mbrëmjes humanitare “Pak nga ne, shumë për ata”, dy vjet pas së cilës u ndërtuan 35 shtëpi, 37 familjeve po ua paguajmë qiratë, derisa 40 familjeve po ua renovojmë shtëpitë. Shumë shpejt do të nis ndërtimi edhe i gjashtë shtëpive të tjera për familjet në nevojë. Prioritet i Komunës së Gjilanit gjatë kësaj sezone janë pleqtë dhe njerëzit pa përkujdesje, të cilëve do t’ua sigurojmë ushqimin dhe drutë për ngrohje. Sa i përket punësimit, jemi duke punuar që t’i gjejmë modalitetet më të mira. Të martën, do të vazhdojmë ta ruajmë si Dita e Qytetarëve ka shkruar Lutfi Haziri./rajonipress/