Haziri: Heqja e taksës u bë pa u koordinuar me Amerikën, veprimi i sotëm do të ketë prapë pasoja

Nënkryetari i Lidhjes Demokratike të Kosovës Lutfi Haziri, ka thënë se heqja e taksës nga qeveria në detyrë e Kosovës, është bërë pa asnjë koordinim me qeverinë amerikane dhe si rezultat i kësaj përsëri priten pasoja.

“Heqja e taksës është bërë pa kurrfarë koordinimi e pa kurrfarë angazhimi, sidomos me Qeverinë amerikane”, ka shkruar Haziri.

Tutje, kryetari i Gjilanit tha se edhe pse taksa rrwzoi dy qeveri, veprimi i sotwm prapw ka qenw me pasoja.

“Nuk shoh që i jep oksigjen politik kësaj situate të rënduar politike. Edhe pse taksa e mori me vete Qeverinë e dytë, veprimi i sotëm ka me qenë me pasoja prapë”, shtoi Haziri.

Kujtojmë se qeveria në detyrë e Kosovës thotë se ka vendosur masa të reciprocitetit ndaj produkteve që vijnë nga Serbia.

Megjithatë, pas këtij veprimi të qeverisë në detyrë kanë ardhur reagime të ndryshme nga politikanë të subjekteve të ndryshme.

E Avdullah Hoti i LDK’sw thotw se njw qeveri e re që është besimplotë karshi aleatëve të Kosovës, është tepër e nevojshme.

Gjithashtu Hoti tha se aktualisht Kosova e ka humbur shansin që heqja e taksës të përkthehet në mbështetje të Kosovës dhe presion ndaj Serbisë nga aleatët e Kosovës.