Haziri: “Eco – Higjiena” kërkon mbështetje për stabilitet menaxherial

Gjilan – “Unë i kam bërë ftesë Cristian Moser që të vijë në Kuvend, kurse menaxheri është në arrest shtëpiak. Pakënaqësitë ndaj menaxhmentit dhe investitorit po shqyrtohen me kujdes. “Eco – Higjiena” e ka gjendjen stabile”. “Eco – Higjiena” kërkon mbështetje për stabilitet menaxherial” tha Haziri. Por, Bujar Nevzati tha se austriakëve nuk i keni bërë ftesë, as ju si kryesuese as kryetari i komunës. Përfaqësuesi austriak është dashur të jetë këtu, nuk e keni ftuar dhe e keni bërë me qëllim tha Nevzati.

Këshilltari komunal nga radhët e PDK-së, Bujar Nevzati ka bërë pyetje pse është thirr kjo mbledhje të jashtëzakonshme. Arsyeja e vetme është se 51 % që në këtë rast janë austriakët nuk i keni bërë ftesë as ju si kryesuese as kryetari i komunës. Përfaqësuesi austriak është dashur të jetë këtu, nuk e keni ftuar dhe e keni bërë me qëllim. Pika rreth “Eco – Higjienës” pa qenë austriakët nuk ka kuptim. Mbledhja e jashtëzakonshme është thirr shkel e shko tha Nevzati.

Valentina Bunjaku Rexhepi tha se ka qenë premtim yni ndaj punëtorëve të “Eco – Higjienës”.

Ndërkaq, Lutfi Haziri tha se konferenca e jashtëzakonshme është për shkak të pikave të rëndësishme. “Unë i kam bërë ftesë Cristian Moser që të vijë në Kuvend, kurse menaxheri është në arrest shtëpiak. Pakënaqësitë ndaj menaxhmentit dhe investitorit po shqyrtohen me kujdes. “Eco – Higjiena” e ka gjendjen stabile”.

Haziri tha se është mirë të ruhet distanca e politizimit të “Eco – Higjienës”. “Po hetohet kontrata e tërësishme me “Eco – Higjienën”. Ta ndihmojmë këtë ndërmarrje e mos të krijojmë konfuzitet dhe t`i ikim politizimit të saj.

Bujar Nevzati tha se pyeta qartë: Edhe unë jam kundër politizimit të “Eco – Higjienës”. Unë kam informata të sigurta se ju nuk e keni ftuar përfaqësuesin austriak

Lutfi Haziri tha se e ka ftuar përfaqësuesin austriak dhe nuk është detyrë e këshilltarit komunal të kërkojë nga unë raport se me këndë jam takuar. “Agjenda e komunës nuk mund të lidhet me fatin e asnjë individi. “Eco – Higjiena” kërkon mbështetje për stabilitet menaxherial” tha Haziri. /rajonipress/