Haziri e Ismaili nënshkruajnë memorandum mirëkuptimi, objekti i QKMF përfundon në vitin 2019

Kryetari i Komunës së Gjilanit, Lutfi Haziri dhe ministri i Shëndetësisë, Uran Ismaili, kanë nënshkruar memorandum mirëkuptimi (plotësim ndryshim) lidhur me financimin e projektit “Ndërtimi i QKMF në Gjilan”.

Në kuadër të këtij projekti, i cili, kap vlerën e mbi 1.1 milionë euro, janë dakorduar që Ministria e Shëndetësisë të bëj pagesën prej 562 mijë euro, ndërkaq Komuna e Gjilanit për pjesën e mbetur prej 89 mijë euro.

Kryetari Haziri tha se zhbllokimi i këtij projekti është lajm i mirë, duke shtuar se ky projekt do të përfundojë në vitin buxhetor 2019.

Kryetari Haziri ka theksuar se ndërtimi i objektit të QKMF’së në Gjilan vlerësohet si zgjidhje për 50 vitet e ardhshme për shëndetësinë primare. /rajonipress/