Hasi ka në mendje vetëm fitoret

Trajneri gjakovar Besnik Hasi ka në mendjen e tij vetëm fitoret dhe padyshim që ky karakter e ka bërë atë kaq të suksesshëm. Të premten skuadra e Anderlechtit luan kundër Westerlos në kuadër të elitës së futbollit belg, ku Hasi kërkon vetëm fitore.

“Patjetër dua që ta fitojmë ndeshjen përfundimtare para pushimit dimëror. Kemi shumë mungesa, që do të thotë se duhet që të përmbushim këtë mision pa disa lojtarë. Pres ndihmë 90-minutëshe nga tifozët, pasi që disa lojtarë të rinj që do të inkuadrohen, kanë nevojë për motivim”, theksoi Hasi.