Hasani: Komuna e Vitisë shembull për reformimin e Administratës me gjeneratën e re

Viti – Presidenti i Rinisë Evropiane në Kosovë, Avdullah Hasani po vazhdon vizitat e tij në Komunat e Republikës së Kosovës, në kuadër të kampanjës “Rinia në Administratë-Fuqi për të ardhmen” për tu informuar nga afër me procesin e reformimit të administratës publike me gjeneratën e re.

Në kuadër të kësaj fushate Hasani, sot është pritur nga Kryetari i Komunës së Vitisë Sokol Haliti.

Kryetari Haliti ka falënderuar Presidentin e rinisë për vizitën dhe ka shprehur gatishmërinë që të veprojnë sipas rekomandimeve që dalin nga kjo kampanjë që bëhet nga Ministria e Administratës Publike dhe “Evropianët e rinj”.

Ndërsa kryetari i KREK Avdullah Hasani, ka thënë se Komuna e Vitisë ka qenë përherë përkrah të rinjve dhe ka dëshmuar se është shembull për pranin e të rinjve në administratë. “Edhe nga përvoja e kaluar, ne jemi dëshmitarë që komuna e Vitisë, ka përkrahur të rinjtë në avancimin e tyre dhe po ashtu u ka krijuar hapësirë veprimi, por tani është koha që sektori i rinisë dhe punësi i tyre në administratë, të jetë objektiv kryesore e çdo institucioni”./rajonipress/