Hasan Aliu priti në takim përfaqësuesit e platformës “Liria ka Emër”

Viti – Zv.kryetari i komunës së Vitisë, Hasan Aliu së bashku me kryesuesin e Kuvendit Komunal, Bekim Azizi dhe të tjerë kanë pritur sot në takimi përfaqësuesit të platformës “Liria ka Emër”, në krye me Eliza Hoxhën.

Gjatë këtij takimi u dha mbështetje për Marshin “Drejtësi, jo politikë”, i cili pritet të mbahet më 17 shkurt në Prishtinë, në mbrojtje të drejtësisë së paanshme dhe të vlerave të luftës çlirimtare.

Përndryshe përfaqësuesit e platformës prezantuan aktivitetet e tyre dhe falënderuan Komunën e Vitisë për përkrahjen, duke theksuar se ky marsh është një thirrje paqësore për respektimin e parimeve të drejtësisë./rajonipress/