Fundamenti

Haradinaj: Zhdukja e dy policëve, lajm pikëllues

/ 2 minuta lexim

Kryeministri i vendit, Ramush Haradinaj, ka reaguar pas zhdukjes së dy pjesëtarëve të Policisë së Kosovës në Lumin Lepenc, transmeton “Zeri.info”.

Haradinaj përmes një postimi në profilin e tij zyrtar në rrjetin social “Facebook”, është shprehur i shqetësuar për zhdukjen e këtyre dy policëve.

LEXO EDHE: Pamje nga vendi ku ra vetura bashkë me dy pjesëtarët e policisë

Haradinaj ka thënë po ashtu se, ngjarjet si kjo na bëjnë të mos harrojmë kurrë se policia e Kosovës është ajo që me shumë mund dhe shpesh dhe sakrificë kujdeset që ne të jetojmë në ambient të sigurt, përcjell “Zeri.info”.

KKGJILAN

Postimi i plotë pa ndërhyrje i kryeministrit Haradinaj:

Është shumë pikëllues lajmi për zhdukjen e dy policëve të Kosovës në lumin Lepenc. Ndajë shqetësimin me familjarë dhe miq në këtë fazë shumë të vështirë të shpresës dhe frikës për fatin e policëve tonë.

Ngjarjet si kjo na bëjnë të mos harrojmë kurrë se policia e Kosovës është ajo që me shumë mund dhe shpesh dhe sakrificë kujdeset që ne të jetojmë në ambient të sigurtë.

Falënderoj të gjitha njësitë relevante, Policinë e Kosovës, FSK-në, zjarrëfikësit dhe të gjithë të përfshirët në kërkim të dy policëve tanë.