Haradinaj: T’i çojmë në shtëpi mashtruesit që iu prinë Hashim Thaçi

Lideri i AAK’së Ramush Haradinaj ka thënë gjatë një tubimi në Suharekë se njerëzit që kanë mashtruar vendin duhet të shkojnë në shtëpi.

Lideri i AAK’së ka mbushur plotë një sallë të sporteve në Suharekë të shtunën.

“Aq të zotë e aq të mirë jeni, sa vështirë është me u përballë me ju” u ka thënë Haradinaj qytetarëve të Suharekës.

Gjatë fjalimit ai ka adresuar kritika për qeverisjen aktuale duke thënë se suharekasit duhet të japin votën e tyre për ta çuar në shtëpi Hashim Thaçin i cili sipas Haradinajt i prinë mashtruesve.

“Mashtruesit që iu prin Hashim Thaçi t`i çojmë në shtëpi” ka thënë ai.

Lideri i AAK’së ka kritikuar edhe Lidhjen Demokratike të Kosovës në veçanti liderin e saj Isa Mustafën duke thënë se atij i janë dashur 4 vjet për ta ndërtuar një shesh.