Haradinaj: Të vazhdojë kundërshtimi i Qeverisë duke e ruajtur Kosovën

Lideri i AAK’së, Ramush Haradinaj, ka vazhduar të distancohet nga Lëvizja Vetëvendosje, e cila përdorë edhe mjetet e dhunshme për t’i arritur qëllimet politike.
Në konferencën e sotme, Haradinaj ka thënë se kundërshtimi i opozitës duhet të vazhdojë me kusht që të ruhet Kosova.

“Duhet me vazhdu këtë kundërshtim opozitar, me e rritë, kuptohet çdoherë, me përgjegjësinë më të madhe, që me e ruajt Kosovën”, ka thënë Haradinaj.

Gjuhë të tillë, Haradinaj ka nisur të flasë prej ditës së premte, kur u dha lajmi se opozita s’po e organizon protestën për datën 26 mars.

Haradinaj, madje, kishte ironizuar, duke thënë se nuk çkrryhet sikur Visar Ymeri, duke u ballafaquar me policinë. Madje, kishte thënë se nuk do të ketë asnjëherë konflikt të AAK’së me Policinë qysh kemi parë përleshje të tilla të aktivistëve të Vetëvendosjes me ruajtësit e rendit.