Haradinaj: AAK-ja do të fitojë

Anëtari i Kryesisë së Aleancës për Ardhmërinë e Kosovës, Daut Haradinaj, është shprehur i bindur se kjo parti është e gatshme të garojë fuqishëm dhe t’i fitojë zgjedhjet e ardhshme për ta udhëhequr vendin.

Sipas tij, këtë forcë AAK-së po ia jep kthimi i Ramush Haradinajt nga Haga dhe numri i madh i qytetarëve që po i bashkohen kësaj partie gjatë procesit të brendshëm zgjedhor.

Në një intervistë për “Epokën e Re”, Haradinaj shkuarjen e ish kreut të degës së AAK-së në Rahovec në PDK e ka vlerësuar si normale.

Ai ka thënë se kryetari aktual i kësaj komune, Smajl Latifaj ka bërë një punë të jashtëzakonshme në këto zgjedhje.

Haradinaj duke folur për dialogun Kosovë-Serbi tha se procesi nuk është në rrugë të keqe.

Ai beson se delegacioni i Kosovës do të jetë i vëmendshëm dhe nuk do të bëjë ndonjë gafë e cila do t’i kushtonte Kosovës në të ardhmen. /Telegrafi/