Hamdi Namani i përkujton Llapit se Drita nuk është supë e lehtë

Njëri ndër mesfushorët më të mirë në futbollin e Kosovës, Hamdi Namani, në konferencë për gazetarë para përballjes me Llapin në Podujevë, ka theksuar se skuadra e Dritës do bëjë përpjekje që të dal Fitues, dhe ka porositur skuadrën e Llapit se Drita nuk është supë e lehtë.

“Dihet që Llapi është një ekip i fortë si vendas, kemi punuar shumë këto ditë dhe jemi munduar t’i përmirësojmë disa gabime që na ndodhën ndeshjen e fundit. Kemi analizuar kundërshtarin dhe i dimë pikat e forta dhe të dobëta, kurse dihet se Drita nuk është një supë e lehtë dhe këtë e kanë tregu edhe ndeshjet në Evropë. Unë besoj se ne do të luftojmë deri në fund në çdo garë ku marrim pjesë dhe shpresoj të dalim fitues nesër. Është një emocion më i veçantë për mua, sepse është klubi ku u formova si futbollist dhe gjithmonë do të jetë i tillë”, ka thënë Namani.