Haliti viziton panairin “Tregu në Rrota”

Viti – Në kuadër të manifestimit “Ditët e Mërgatës”, Kryetari i Komunës së Vitisë, Sokol Haliti, së bashku me drejtorin e Drejtorisë së Bujqësisë, Naim Pira, vizituan sot panairin “Tregu në Rrota”, i cili po mbahet në sheshin e qytetit të Vitisë.

Aktiviteti organizohet nga Komuna e Vitisë, në bashkëpunim me Shoqatën e Përpunuesve të Frutave dhe Perimeve të Kosovës “PePeKo”, me mbështetjen e Ministrisë së Bujqësisë, Pylltarisë dhe Zhvillimit Rural.

Panairi ofron një hapësirë promovuese për prodhuesit vendorë të Komunës së Vitisë, të cilët prezantojnë produktet e tyre autentike dhe vlerat tradicionale, duke i dhënë qytetarëve, mërgimtarëve dhe vizitorëve mundësinë të njihen nga afër me pasurinë dhe traditën e këtij rajoni.

Gjatë vizitës, kryetari Haliti dhe drejtori Pira u takuan me prodhuesit pjesëmarrës, duke vlerësuar rëndësinë e organizimeve të tilla në promovimin e prodhuesve vendorë, trashëgimisë tradicionale dhe potencialeve që ofron Komuna e Vitisë./rajonipress/