Haliti uron vitiasit me rastin e vitit të ri 2017

Viti – Kam nderin në emrin tim personal, por edhe në emër të institucioneve komunale të Vitisë, të ju uroj gjithë qytetarëve të komunës sonë Vitin e Ri 2017. Në veçanti dua të ju uroj mirëseardhje edhe bashkëvendëseve tanë të cilët gjenden për pushime për këtë festë në gjirin familjare.

Uroj që familjet vitiase t’a presin këtë festë në harmoni me më të dashurit e tyre. Pos festës me të cilën karakterizohet kjo festë ajo duhet të na shërbej edhe si reflektim për të parë se cilat ishin sukseset dhe sfidat tona të përbashkëta. Në takimet të cilat i kam zhvilluar me ju qytetarë të nderuar të komunës sonë kam marrë shumë përgëzime për punën që e kemi bërë në vitin 2016 dhe atë në fushat e ndryshme. Kjo gjë do të me jap edhe më shumë forcë dhe shtytje që të punoj së bashku me ekipin tim por edhe me ju që të sjellim edhe më shumë ndryshime pozitive pasi që me të vërtetë Vitia dhe qytetarët e saj e meritojnë këtë. Urime dhe pritëshi edhe shumë festa të tjera në lumturi dhe harmoni thuhet nw urimin e Sokol Halitit./rajonipress/