Haliti uron besimtarët për Fitër Bajram: Le të jenë këto festa gjithmonë simbol i bashkëjetesës dhe mirëkuptimit!
RajoniPress
13:47, 9 Prill, 2024
Viti – Në prag të shënimit të festës së Fitër Bajramit, dëshiroj të ju urojë të gjithë besimtarëve myslimanë këtë festë fetare. Uroj që pas një muaji sakrifice, pra të muajit të shenjët të ramazanit të festoni festën e Fitër Bajramit me familjarët, miqtë dhe me më të dashurit tuaj, në veçanti edhe me bashkatdhetarët tanë cilët gjenden për pushime në atdheun e tyre ka shkruar Sokol Haliti në urimin e tij.
Kjo ditë feste është edhe më e veçantë pasi që pos agjërimit besimtarët tregojnë edhe anën humane duke shtrirë dorën e solidaritetit me ata që janë në gjendje më të rëndë financiare dhe kanë nevojë për ndihmë.
Le të jenë këto festa gjithmonë simbol i bashkëjetesës dhe mirëkuptimit!
Gëzuar Fitër Bajramin!
Sinqerisht
Sokol Haliti
Kryetar i komunës së Vitisë
