Haliti takon drejtorët e shkollave të komunës së Vitisë

Viti – Në kuadër të takimeve që kryetari i komunës Sokol Haliti po zhvillon nëpër Drejtoritë komunale, një i tillë është realizuar sot në Drejtorinë e Arsimit, me që rast ka takuar drejtorët e shkollave të komunës së Vitisë, nga të cilët është njoftuar me ecurinë e mbarëvajtjes së procesit mësimor në këtë komunë.

Temë bisede ishte fillimi i gjysmë vjetorit të dytë, procesi aktual i mësimit, sfidat dhe planet në të ardhmen.

Kryetari Haliti ka vlerësuar lartë vitin 2015 duke e vlerësuar atë si shumë të suksesshëm në ngritjen e cilësisë së mësimit.

Ai ka përmendur edhe përkushtimin institucional në ri vitalizimin e objekteve shkollore dhe përmirësimin e kushteve për nxënësit dhe mësimdhënësit, ndërkohë që ka ri theksuar se ky vit do të jetë i veçantë për personelin dhe nxënësit e shkollës “Halil Alidema” në Pozheran, pasi që pritet të filloj edhe ndërtimi i objektit të ri të kësaj shkolle./rajonipress/