Haliti priti në takim përfaqësues të projektit “Shërbime të Qëndrueshme Komunale”

Viti – Kryetari i Komunës së Vitisë, Sokol Haliti ka pritur në takim znj. Alexandra Linden, menaxhere e projektit “Shërbime të Qëndrueshme Komunale” nga GIZ-i Gjerman.

Bëhet me dije se gjatë këtij takimi në veçanti përfaqësuesit e këtij projekti janë njohur me gjendjen e përgjithshme me Komunën e Vitisë, por është folur edhe mbi menaxhimi i mbeturinave, mundësinë e bashkëpunimit dhe partneritetit në fushat e ndryshme si dhe rreth agjendës për hartimin e planit për menaxhimin e mbeturinave.

Në takim kanë marrë pjesë edhe: Drita Dinaj, Ekspert për qeverisje komunale dhe Vjollca Behluli, Këshilltare për Qeverisje lokale.

Gjatë këtij takimi Haliti potencoi se çështja e ruajtës së mjedisit është një ndër prioritetet që ka vendosur qeveria komunale në Viti duke i njoftuar ato edhe me punën që ka bërë dhe po bënë komuna e Vitisë në këtë drejtim./rajonipress/