Haliti pritet nga qytetarët e shumtë, pas besimit që morri nga vitiasit që të qeverisë edhe për një mandat të tretë

Viti – Kryetar i komunës së Vitisë, Sokol Haliti është pritur sot nga qytetarët vitias, të cilët e kanë uruar atë pas fitores në zgjedhjet lokale që janë mbajtur të dielën. Me këtë rast kryetari Haliti, ka marrë serish besimin e qytetarëve vitias që të qeverisë si kryetar komune edhe për një mandat të tretë.

Haliti i ka falënderuar të gjithë qytetarët që kanë besuar në programin e tij qeverisës, duke potencuar se qeverisja komunale e Vitisë, do të vazhdoj përkushtimin dhe punë të mira në interes të gjithë qytetarëve të saj pa dallime.

“Dua të ju falënderoj secilin prej jush që me keni besuar që të vazhdoj punën si kryetar komune për një mandat tjetër katërvjeçar. Puna jonë e mirë e bërë për të gjithë qytetarët ka qenë një shtytës i fortë dhe i mirë që qytetarët të mbajnë besimin që ne të vazhdojmë me qeverisjen edhe për katër vite të tjera. Gjithashtu ju bëjë me dije se si kryetar i kësaj komune do të vazhdoj projekte të shumta jetike për të gjithë qytetarët tanë pa asnjë dallim”, u shpreh Haliti./rajonipress/