Haliti pritet në takim nga ministri Skënder Reçica

Kryetari i Komunës së Vitisë, Sokol Haliti dhe Basri Aliu, Drejtor i Drejtorisë për Shëndetësi dhe Mirëqenie Sociale janë takuar sot Ministrin e Punës dhe Mirëqenies Sociale të Republikës së Kosovës, Skënder Reçica.

Bëhet me dije se gjatë këtij takimi është biseduar rreth projekteve të përbashkëta të komunës së Vitisë me këtë ministri si dhe rreth mundësive për vazhdimin e projektit tripalëshe të Komunës, Ministrisë dhe Caritas Kosova.

Po ashtu është biseduar edhe rreth një projekti në fushën e ambientit i cili mund të realizohet në bashkëpunim me Kompaninë Regjionale të Mbeturinave “Eco-Higjena” si dhe rreth grandit qeveritar për Qendrat për Punë Sociale.

Kryetari Haliti ndër tjerash tha se kjo komunë ka pasur një bashkëpunim të mirë me Ministrinë e Punës dhe Mirëqenies Sociale dhe shtoj se Komuna e Vitisë është e interesuar të vazhdoj këtë bashkëpunim që është në interes të qytetarëve vitias.

Kurse bëhet me dije se ministri Reçica ka thënë se do të shikoj mundësitë se në cilat fusha mund të vazhdohet bashkëpunimi me komunën e Vitisë./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).