Haliti premton realizimin e projektit të Zonës Ekonomike dhe uljen e papunësisë

Viti – Haliti në Budrikë e Skifteraj bënë me dije se kjo qeverisje arriti qe lumin “Morava e Binqës” t’a kthej në përparësi.

Sokol Haliti, kryetar i komunës së Vitisë dhe njëherit kandidat i serishëm nga radhët e LDK-së për kryetar të kësaj komune ka mbajtur sonte dy tubime elektorale me simpatizantë dhe qytetarë të fshatrave Budrikë e Skifteraj. Gjatë këtij takimi ai tha se fal qeverisjes së mirë LDK-ja ka arritur qe lumin “Morava e Binqës” t’a kthej nga një fatkeqësi qe shkaktonte dëme në sektorin e bujqësisë dhe në ekonomitë familjare në përparësi për qytetarët e kësaj komune në veçanti për bujqit e vyer të kësaj komune.

Ai shtoj se për katër vite ata kanë investuar me partnerët dhe donatorë të ndryshëm mbi 19 milion e 300 mijë euro.

Haliti shtoj se për banorët e kësaj ana ata kanë paraparë edhe ndërtimin e zonës ekonomike në Budrikë ku përfituesit më të mëdha janë vet qytetarët pasi me këtë projekt do të ulët papunësia por do të zhvillohet edhe ekonomia e këtij vendi.

Ai tha nëse qytetarët dëshirojnë të kenë një jetë më të mirë atëherë lë të votojnë numrin 47 dhe kandidaten për asamble komunale nga ky subjekt politik./rajonipress/