Haliti nxjerr vendim për ngritjen e bustit të veprimtarit të çështjes kombëtare “Halil Alidema”

Viti – Kryetari i komunës së Vitisë, Sokol Haliti ka nxjerrë sot një vendim për ngritjen e bustit të veprimtarit të çështjes kombëtare, Halil Alidema. Vendimi është nxjerrë nga kryetari Haliti, në bazë të kompetencave dhe autorizimeve ligjore, pas shqyrtimit në mbledhjen e Bordit të Drejtorëve.

Sipas vendimit, busti do të vendoset në hapësirë publike, në oborrin e Shkollës SH.F.M.U. “Halil Alidema” në Pozhoran. Përurimi i bustit pritet të bëhet më 19 maj 2026, në shënim të ditës së shkollës që mban emrin këtij veprimtari.

Gjithashtu u bë me dije se kryetari Haliti, ka marrë edhe një nismë me të cilën pritet të kërkoj nga institucionet përgjegjëse të Republikës së Shqipërisë dhe të Kosovës që të bëhet kthimi i eshtrave të këtij veprimtari të çështjes kombëtare në vendlindje./rajonipress/