Haliti në prag të një vjetorit të fillimit të pandemisë, falënderon “Nëna Terezë” dhe Kryqin e Kuq

Viti – Kryetari i Komunës së Vitisë, Sokol Halit në prag të një vjetorit të fillimit të pandemisë të shkaktuar nga virusi COVID-19, ka ndarë sot nga një falënderim për Shoqatën Bamirëse Humanitare “ Nëna Terezë” dhe për Kryqin e Kuq degat në Viti.

Me këtë rast mirënjohjet ju dorëzuan z. Halit Alidema, Koordinator Regjional i SH.H.B “Nëna Terezë” në Viti dhe përfaqësueses së Degës së Kryqit të Kuq në Viti, znj. Shtatore Hajrizi.

Me këtë rast Haliti potencoi se kjo komunë ju është mirënjohës të gjithëve që kanë ndihmuar institucionet komunale në menaxhimin e situatës pandemike të shkaktuar gati para një viti nga virusi COVID-19 në veçanti Shoqatës “Nëna Terezë” dhe “Kryqit të Kuq”.

Ndërsa përfaqësuesit e tyre potencuan se ata do të vazhdojnë bashkëpunimin me institucionet komunale që të ju dalin në ndihmë të gjithë atyre që kanë nevojë në çfarëdo situate që mund të ndodh./rajonipress/