Haliti ka vizituar fshatin Sllatinë e Epërme, ku kanë nisur punimet parapërgatitore për asfaltimin e një rruge

Viti – Kryetari i Komunës së Vitisë, Sokol Haliti me bashkëpunëtor ka vizituar sot fshatin Sllatinë e Epërme, me këtë rast ai ka vizituar punimet parapërgatitore që po zhvillohen në ndërtimin dhe asfaltimin e një rruge në këtë fshat që është degëzim i rrugës Sllatinë e Epërme-Dardani në afërsi të varrezave të këtij fshati.

Me këtë rast Kryetari Haliti, është pritur nga banorët e fshatit Sllatinë e Epërme, në krye me Kryetarin e Këshillit të Fshatit Sllatinë të Epërme, Daut Drugzani i cili në emër të banorëve falënderoj komunën për investimin në fjalë duke e cilësuar atë si shumë të rëndësishme për banorët e këtij lokaliteti./rajonipress/