Haliti: Fëmijët me sindromin Down duhet të trajtohen dhe t’u ju jepet mundësitë të barabarta

Viti – Me rastin e shënimit të Ditës Botërore të Sindromit Down,Kryetari i Komunës së Vitisë, Sokol Haliti theksoi sot që Komuna e Vitisë, do të mundohet që të krijoj mundësinë për trajtim të barabartë si dhe kushte të mjaftueshme dhe të domosdoshme për shkollimin, edukimin dhe zhvillimin e fëmijëve të prekur me këtë sindromë.

“Fëmijët me sindromën Down, do të gëzojnë të gjitha të drejtat, në mënyrë që të kenë jetë të pavarur, përmes mbështetjes së aftësive dhe talentit të tyre të jashtëzakonshëm.

Ne si komunë zotohemi që fëmijët me këtë sindromë, do të kenë përkrahjen e plotë në çdo aktivitet, pasi që me përkushtimin e tyre dhe intuitën kanë dëshmuar që mund të arrijnë pavarësinë e tyre në aktivitetet e tyre të përditshme”, u shpreh Haliti./rajonipress/