Haliti: As në kohën e Enver Hoxhës, ShBA nuk është deklaruar kundër Qeverisë së Kosovës

Deputeti i PDK-së, Xhavit Haliti ka thënë se asnjëherë në histori nuk ka ndodhur që politika e ShBA-së me u deklaru kundër Kosovës.

Ai në emisionin “Ditari” në Tëvë 1 tha se ShBA nuk është një shtet që bënë shaka dhe uron që të mos vendosin sanksione kundër Kosovës.“Asnjëherë në histori, as në kohën e Enver Hoxhës as të askujt tjetër nuk ka ndodhur që politika e ShBA-së me u deklaru kundër veprimeve të Qeverisë së Kosovës. Prandaj ata nuk janë një shtet që bëjnë shaka, pra janë një shtet që kanë investuar shumë në Kosovë dhe uroj që të mos vendosin sanksione ndaj Kosovës, por uroj që Qeveria e Kosovës të reflektojë. Është situata tepër shqetësuese dhe tepër e rëndë në raportet tona”, tha ai.

I pyetur se a mund të ashpërsohen sanksionet aktuale apo mund të këtë të reja, Haliti tha se ka frikë për një veprim të tillë.

Tutje, ai tha se shpreson në reflektimin e politikës së Qeverisë Kurti.“Nga nuhatja politike që e kam nga përvoja e vendime që janë marrë në raport me shtetet e tjera, kam shqetësimin dhe frikën që mund të vendosën dhe mund të ashpërsohen masat. Besojë që Qeveria do të reflektojë dhe në takimin e ardhshëm të bëjë politike tjetër-pozitive”, ka deklaruar ai.