Halimi takoi Rektorin Dërmaku

Gjilan – Kryetari i Këshillit të Veprimit Rinor Lokal i Gjilanit, me qëllim të njoftimit mbi zgjedhjet dhe planin për veprim të rinisë takoi Rektorin e universitetit Publik të Gjilanit Arben Dërmaku.

Ai njoftoi rektorin me strukturën e KVRL-së dhe aktivitetet që kanë në planë të i realizojnë, posaçërisht në raport me Universitetin dhe studentët, “Kemi raporte të shkëlqyera me përfaqësuesit e studentëve të Universitetit Publik të Gjilanit, dhe me ta shpresojmë që të realizojmë aktivitete të përbashkëta në mënyrë që të i kontribuojmë aktivizimit të rinisë e jetës studentore në përgjithësi” shtoi Halimi.

Rektori Dërmaku uroi Halimin për zgjedhjen dhe ofroi përkrahjen e Universitetit në aktivitetet e KVRL-së si institucion suprem i përfaqësimit të të rinjve në komunë, “Ne jemi në dispozicion të ofrojmë atë që kemi mundësi për të rinjtë dhe studentët , kështu që dyert e Universitetit janë të hapura për të gjithë ata që ja duan të mirën jo vetëm të rinjve por tërë shoqërisë” theksoi Dërmaku.

Këshilli i Veprimit Rinor Lokal do të vazhdoj tutje me takime njoftuese në mënyrë që të ndryshoj opinionin negativ të krijuar nga udhëheqësja e mëhershme e ish anëtarëve jo-legjitim të KVRL-së thuhet në një njoftim të KVRL./rajonipress/