Halimi : Nuk dua foto me Stankovicin

Preshevë – Deputeti i vetëm shqiptar në Serbi nuk kishte ndonjë takim me kryetarin e Trupit Koordinues për Serbinë Jugore, Zoran Stankovic gjatë vizitës në Preshevë. “Unë nuk dua të fotografohem me Stankovicin për dekor që do t’ju paraqitet për sy e faqe publikut” ka thënë deputeti Riza Halimi në mediat serbe, transmeton „Presheva Jonë“ .

“Nëse jeni vërtetë të interesuar dhe dëshironi të flisni për problemet që ekzistojnë këtu, kamerat nuk janë të nevojshme për të marrë fotografitë me ne” shpjegoi Halimi.

Sipas Halimit “për emërimin e Stankovicit në krye të Trupit koordinues, nuk ishin konsultuar e as nuk ishin pyetur shqiptarët e Luginës së Preshevës, kurse serbët e veriut trajtohen sot shumë më mirë në Kosovë, madje me pozita të larta në qeveri me një zëvendëskryeministër dhe tre ministra.”

“Ne nuk kërkojmë ndonjë ministri, sepse kjo do të jetë një iluzion për shkak të përqindjes së shqiptarëve në popullsi, por ne besojmë se kjo është logjike që ne i përkasim një nga funksionet më të rëndësishme të Trupit Koordinues, e cila është bërë për tri komunat,” ka shtuar Halimi.

I pyetur nëse ai dhe Partia e Veprimit Demokratik të cilën e drejton ai, do të vazhdojnë të marrin pjesë në punën e Trupit Koordinues, Halimi tha se organi në fjalë për më shumë se një vit nuk punon, për ta kryer misionin për çfarë edhe ishte themeluar.