Hajdini e pranon ofertën e Mustafës

Gjilan – Ismet Hajdini kryetar i PSD-së tha se oferta e Qemajl Mustafës për të marrë disa pozita në institucione të rëndësishme është e pranueshme. Koalicioni do të vazhdojë edhe më tutje me PDK tha ai.

Kryetari i PSD-së në Gjilan Ismet Hajdini njëri nga partnerët e koalicionit me PDK, ka pranuar ofertën e Qemajl Mustafës, që ky subjekt të përfitojë nga disa konkurse ligjore për drejtor shkollash,zëvendës,menaxher në shëndetësi apo administratë.

Ismet Hajdini tha për rajonipress se shumica e anëtarëve të kryesisë në PSD janë për ta vazhduar koalicionin me këto kushte të ofruara nga partneri tjetër.”Këto pozita janë të mira sidomos në spitalin e Gjilanit. Ne kemi kuadro për këtë sektor dhe do të shohim edhe në arsim e administratë “.Hajdini tha se PSD ka kuadro edhe për drejtor të shkollave.

Kreu i PSD-së tha se janë vetëm dy veta të kryesisë që ende janë në dilemë rreth kësaj oferte,por pavarësisht kësaj koalicioni do të ecë tutej sepse nuk kemi kohë për të humbur.”PSD-ja tani ka bërë një përvojë të mirë në menaxhimin e disa sektorëve në qeverisjen komunale dhe çdo kthim mbrapa do t`i shkaktonte humbje këtij subjekti politikë” tha ai.

Hajdini tha se PSD-ja synon që në zgjedhjet e ardhshme të jetë edhe më e konsoliduar dhe të ofrojë programe e projekte edhe më atraktive për qytetarët e Gjilanit./rajonipress/

Shpërndaje.
© RAJONIPRESS