Hajdari e AAK-së viziton Qendrën rajonale të punësimit

Gjilan – Sekretarja organizative e Aleancës së Gruas në Gjilan, njëherit kandidate për këshilltare komunale Xhylie Hajdari, ka zhvilluar një takim me përfaqësues të Qendrës Rajonale për Punësim (QRP) dhe Aftësim Profesional(QRAP).

Hajdari është pritur nga Xhevat Aliu drejtor i QRP si dhe nga Skender Kqiku drejtor i QRAP, me të cilët ka biseduar për përfshirjen e femrës në projektet që dalin nga këto dy qendra.

Shqetësimet e Xhylie Hajdarit, ishin se cilat grupmosha të femrave janë më shumë të papuna, sipas strukturave kualifikuese dhe sa u jepet atyre hapësirë për të pasur qasje në punësim.

Ndërkaq, një temë tjetër që ajo ka prekur ka qenë edhe mundësia e ofrimit të trajnimeve nga qendra për aftësim profesional për gjininë femërore.

Takimi ka rrjedhur në formë bashkëbisedimi me palët, duke marrë kështu statistika në lidhje me raportin e femrës me qendrën rajonale për punësim në Gjilan. /rajonipress/