Grupi “Cha Cha Darabuka”, publikojnë videoklipin “Love in Love”

Djemtë e grupit “Cha Cha Darbuka” i janë përveshur punës rreth projekteve të reja artistike. Ndërkaq, plani i tyre aktual është lansimi i një projekti instrumental i cili do të jetë i plotësuar edhe me videoklip.

Anëtari i grupit, Ceni Kamberi, ka thënë për “Zëri” se videoklipi i tyre do të lansohet sonte.

“Grupi jonë “Cha Cha Darabuka”, sonte do të publikojë instrumentalin të cilin ia kemi bashkëngjitur edhe videoklipin. Instrumentali titullohet “Love in Love” dhe e kemi punuar me Shkumbin Nebiun, “Bimi Rekords”, tha Kamberi për “Zëri”.

“Grupi “Cha Cha Darabuka”, viedoklipin e kanë realizuar me “Video Art” në Gjilan.

“Ka dalë një punë e mirë, shpresoj që do të pëlqehet edhe nga publiku”, ka treguar Ceni, i cili për fund ka premtuar edhe shumë befasi pasuese nga grupi ‘Cha Cha Darabuka’.

Grupi Cha Cha Darabuka planifikon që në muajin qershor të bëjnë lansimin edhe të një projekti tjetër muzikor, ku do të jetë më verorë dhe të ketë gjithsesi shumë ritëm.

Ndryshe, grupi “Cha Cha Darabuka”, i cili është formuar si grup në vitin 2012, do të lansoj projektin e tyre të titulluar “Love in love“, që është projekti i dytë me radhë i këtij grupi që është i përbërë nga: Muhamet Bikliqi,Shqipërim Isufi dhe Ceni Kamberi.