‘Gruaja më e bukur në botë’, pa make up

E “kurorëzuar’ gruaja më e bukur në botë nga revista ‘Esquire’, e dashura e re e Ashton Kutcher, Mila Kunis tregon anën më reale të saj, atë që duket larg dritave të aparateve fotografikë profesionalë nëpër revista.

Ajo është fotografuar gjatë një mëngjesi të zakonshëm, ku mesa duket ka vendosur të konsumojë kafen e mëngjesit bashkë me të dashurin e saj, dhe duket se ka dalë në rrugë ashtu siç është zgjuar nga gjumi, me një palë tuta-pizhama, pa make up dhe me flokët të lidhur shkujdesur.

Por gjithsesi, Mila Kunis duket shumë e bukur dhe e freskët, ashtu siç është në realitet, pa aksesorë të tepërt.

Çifti i aktorëve dukeshin të lumtur dhe të shkujdesur teksa ecnin përdore dhe Mila nuk e vriste aspak mendjen për pamjen e jashtme në shoqërinë e të dashurit të saj.